தேசிய கீதங்கள் - வந்தே மாதரம்

வந்தே மாதரம்

ராகம் - நாதநாமக்கிரியை தாளம் - ஆதி

பல்லவி

வந்தே மாதரம் என்போம் - எங்கள்
மாநிலத் தாயை வணங்குதும் என்போம். (வந்தே)

சரணங்கள்

ஜாதி மதங்களைப் பாரோம் - உயர்
ஜன்மம்இத் தேசத்தில் எய்தின ராயின்
வேதிய ராயினும் ஒன்றே - அன்றி
வேறு குலத்தின ராயினும் ஒன்றே (வந்தே)

ஈனப் பறையர்க ளேனும் அவர்
எம்முடன் வாழ்ந்திங் கிருப்பவர் அன்றோ?
சீனத் தராய்விடு வாரோ? - பிற
தேசத்தர் போற்பல தீங்கிழைப் பாரோ? (வந்தே)

ஆயிரம் உண்டிங்கு ஜாதி - எனில்
அன்னியர் வந்து புகல்என்ன நீதி? - ஓர்
தாயின் வயிற்றில் பிறந்தோர் - தம்முள்
சண்டைசெய் தாலும் சகோதரர் அன்றோ? (வந்தே)

ஒன்று பட்டால் உண்டு வாழ்வே - நம்மில்
ஒற்றுமை நீங்கில் அனைவர்க்கும் தாழ்வே
நன்றிது தேர்ந்திடல் வேண்டும் - இந்த
ஞானம் வந்தாற்பின் நமக்கெது வேண்டும்? (வந்தே)

எப்பதம் வாய்த்திடு மேனும் - நம்மில்
யாவர்க்கும் அந்த நிலைபொது வாகும்
முப்பது கோடியும் வாழ்வோம் - வீழில்
முப்பது கோடி முழுமையும் வீழ்வோம் (வந்தே)

புல்லடி மைத்தொழில் பேணிப் - பண்டு
போயின நாட்களுக் கினிமனம் நாணித்
தொல்லை இகழ்ச்சிகள் தீர - இந்தத்
தொண்டு நிலைமையைத் தூவென்று தள்ளி (வந்தே) 

1. Vande mataram

rakam - natanamakkiriyai talam - adi

pallavi

vande mataram enbom - enkal
manilat thayai vanankutum enbom. (Vande)

Saranankal

jati matankalaip parom - uyar
janmamit tecattil eytina rayin
vetiya rayinum onre - anri
veru kulattina rayinum onre (vante)

inap paraiyarka lenum avar
em'mutan valntin kiruppavar anro?
Cinat tarayvitu varo? - Pira
tecattar porpala tinkilaip paro? (Vante)

ayiram untinku jati - enil
anniyar vantu pukalenna niti? - or
tayin vayirril pirantor - tam'mul
cantaicey talum cakotarar anro? (Vante)

onru pattal untu valve - nam'mil
orrumai ninkil anaivarkkum talve
nanritu terntital ventum - inta
ñanam vantarpin namakketu ventum? (Vante)

eppatam vayttitu menum - nam'mil
yavarkkum anta nilaipotu vakum
muppatu kotiyum valvom - vilil
muppatu koti mulumaiyum vilvom (vante)

pulladi maittolil penip - pandu
poyina natkaluk kinimanam nanith
thollai ikalzhchikal theera - inthat
thondu nilaimayai thuvendru thalli (Vande)